Te Mahere Mahi ā-Motu mō Te Whakakore Kaikiritanga

Tēnā koutou katoa. Kei te pīrangi mātau ki tō āwhina. 

Kei te whakawhiti kōrero a Te Kāhui Tika Tangata ki ngā iwi tūmatanui mō ngā mahi me whai hei whakakore i te kaikiritanga ki Aotearoa. He whakaarotau rautaki tēnei mō te Kāhui – ko te hinonga motuhake ā-motu mō ngā tika tangata. Ko te mahere mahi ā-motu mō te whakakore kaikiritanga te kawenga a te Kāwanatanga ki te whakakaupapa me te whakatinana. 

Kei te pīrangi mātau ki ō whakaaro hei whakarite tērā kei te kitea te moemoeā, ngā uara me ngā wheako hoki o ngā hapori e whai pānga ana ki tēnei āhuatanga, arā, ko ngā whānau, hapū, iwi hoki puta noa i te motu. Ka noho muna ngā kōrero ka tuku mai koe, ka whakarāpopototia ki te pūrongo whakawhiti kōrero a te Kāhui, arā ko te pūrongo tēnei ka tukua ki te Kāwanatanga hei whakamōhio atu i āna mahi mō tēnei kaupapa nui whakaharahara.

Ka tāia tēnei pūrongo hei tirotiro mā te iwi tūmatanui. 

Ka Pēhea Koe e Āwhina Mai Ai? 

Me whakarite koe ka rangona tō reo mā te whakautu i ngā pātai e rārangi iho nei: 

  1. He aha tō moemoeā mō tētahi Aotearoa e wātea ana i te kaikiri? (Ko te roa e tūtohutia ana, he 250-300 kupu)
  2. He aha ngā rerekētanga ka kitea i tō ao i tētahi Aotearoa e wātea ana i te kaikiri?
  3. He aha ō tino whakaaro pai hei whakawātea i a Aotearoa i te kaikiri? 

Mehemea he pātai āu, mehemea rānei kei te pīrangi koe ki te tuku mai i ō whakaaro mā te īmēra, me īmēra mai ki [email protected]

Ka mutu te tuku kōrero: 23 Whiringa-ā-rangi 2021

Hei whakamōhio i ngā mahi a te Kāhui me te pūrongo tūmatanui mō ngā āhuatanga me whakauru atu ki Te Mahere mahi ā-motu mō te whakakore kaikiri


Your information